Fuentes Carrionas. Subindo ao parque natural e dende o seu miradoiro superior.
Santa Eufemia de Cozuelos
Santa Eufemia de Cozuelos
Vallespinoso de Aguilar
Campos de Burgos
Covarrubias
Santa Eufemia de Cozuelos
Subindo a Lois (León)
Lois
Lois
Villaespinoso de Aguilar
Estou seguro de que reverdecerá todo. Onte foron os campos e altiplanos palentinos, campos peiteados por tractores que deambulan entre o horizonte e nós. Campos vermellos que esperan anceiantes un novo cereal, nova vida: que virá. Xente amable, como se fosemos os únicos viaxeiros do mundo e eles se alegrasen de coñecerte. O norte de Palencia está salpicado de igrexas e mosteiros románicos inapelables. No medio dun bosque de carballos, nos que vimos fuxir de nós cervos sabedores de que podemos levar as armas cargadas, o mosteiro de Santa Eufemia de Cozuelos recíbenos cun paseo de álamos libres memorable. Alí, completamente sós, atopamos o noso segundo hobbit (o primeiro foi na igrexa mozárabe de santa María de Lebeña), un ser rupestre comedor de cogumelos, rechoncho, extremadamente amable, co falar único do que mestura o que vive, o que sabe, o que lle gusta, o que debe contar: sen solución de continuidade. No anceio de ver, chegamos mesmo a apalpar de noite a ermida do Barrio de Santa María, xusto despois de ver anoitecer subidos ao penedo imposible sobre o que se ergue a igrexa de Vallespinoso de Aguilar. Sempre sós, sempre con aguias ou abutres sobre as nosas testas, coidándonos. Sei que abroiará todo do novo: os carballos non perden a folla por completo nesta época do ano, como se quixeran aportar á paisaxe os tons marróns e ocres necesarios para dar vida aos prados. As faias fan o sacrificio de desprenderse de todas elas porque a súa función é alfombrar as abas dos montes con esa néboa grisácea coroada da leve pátina maxenta dos seus brotes. Eles prometen repintar, nuns poucos meses, de novas córes a vida dos vales altos. Todo reverdecerá, estou seguro.
4 comentarios:
Una mirada atenta nos desvela que estamos ante un artista fotográfico. La lectura del pie de foto nos confirma una sospecha inducida. Detrás del artista late una persona sensible y buena. Un representante genuino de un renacimiento pendiente. Necesario e imperioso visto lo visto. La sociedad acaba con el individuo. Pero el individuo no se resiste a morir. Hay esperanza mientras podamos contemplar tu obra y emocionarnos con tu palabra.
Grazas Manuel. O conmovedor é, realmente, a paisaxe de Castela. Esas imaxes e esas palabras están destinadas só a ser remexidas polos ventos de inverno no sotobosque de calquera parte; follas marróns que debecen por ser humus doutro bosque que renace. O conmovedor é sempre a amistade, un luxo.
Hola, Rafa:
Lo primero, muchas gracias por hablar de mi libro y poner el enlace en el foro de Pentax. No sabía de tu faceta de fotógrafo (y además, de los buenos, ya hablaremos) y me complace mucho saber que, además de la afición a la vela tenemos en común la de la fotografía.
Felicidades por tu blog, que me lo apunto en favoritos. Feliz Año.
Ricardo Grobas
Ola Ricardo, grazas a ti por deleitarnos e ensinarnos a ver con esas magníficas imaxes do porto, da ría e, sobre todo, das súas xentes. Pasei -e paso- moi bos momentos contemplando o teu libro La Ría de Vigo y su Puerto.
Feliz travesía do 2010!
Publicar un comentario